Zhduket pa asnjë gjurmë një 27-vjeçare shqiptare në Greqi.
Mediat fqinje kanë raportuar se bashkëshorti i saj ka denoncuar rastin në polici, duke thënë se ka kontaktuar për herë të fundit me të pasditen e 12 gushtit.
Shqiptarja është nënë e katër fëmijëve, por që së fundi jetonte pa fëmijët e saj. Media greke “Ekriti.gr”, duke iu referuar një burimi, raporton se e reja i ka lënë një shënim burrit të saj para se të zhdukej.
Sipas këtij burimi, shqiptarja Antonia Nikolla nuk ka marrë asgjë me vete kur është larguar nga shtëpia.
Pas dhënies së alarmit për zhdukjen e 27-vjeçares, policia ka nisur kërkimet për të gjetur prova që mund të hedhin dritë mbi ngjarjen, ndërsa bëhet e ditur se karakteristikë e vajzës është një tatuazh në pjesën e shpatullës. Ka.Li/fjala.al