Më 25 gusht ora 20:00, Tirana pret në stadiumin “Air Albania”, serbët e Crvena Zvezdës, në ndeshjen e vlefshme për raundin e dytë kualifikues në Ligën e Kampioneve.
Është mësuar edhe gjyqtari që do të vendosë drejtësi për këtë ndeshje. Do të jetë suedezi, Kaspar Sjoberg, arbitri që do të drejtojë ndeshjen në “Air Albania”.
Por shpesh herë është ngritur dhe pyetja se çfarë pritet të ndodhë në Tiranë më 25 gusht, kur Cërvena Zvezda do të përballet me ekipin e Tiranës.
Kujdesi nga “provokacijet” dhe fitorja e ekipit tonë, janë dy sukseset që u tregojnë vendin ultranacionalistëve të sëmurë.
Dhe pikërisht lidhur me këtë ndeshje, ka qenë gazetari i njohur Bedri Alimehmeti ai që na ka kthyer pas në kohë duke na risjellë në vëmendje një ndeshje miqësore mes Crvena Zvezdes dhe Tiranës në vitin e 1945 të cilën e shoqëron edhe me foto.
Përmes postimit të tij në Facebook, ai na kujtoj se ndeshja e 25 gushtit është e dyta për Crvena Zvezda që vjen në Tiranë.
“Ekipi i Crvena Zvezdes do të luajë në Tiranë kundër Sk Tirana. Për herë të parë dhe të fundit ky ekip ka qenë në Tiranë në korrik të vitit 1945 për një ndeshje miqsore. I urojmë Sk Tiranës suksese në këtë ndeshje”, shkruan Alimehmeti./Bl.Ba/Fjala.al
