Flitet se një vaksina që pritet për të mbrojtur trupin nga Covid-19 apo kuruar mund të kushtojë 2 deri në 3 dollarë.
Por, në mediat shqiptare, thuhet se vaksina kundër koronavirusit do të shpërndahet falas për popullatën shqiptare kur ajo të dalë në treg.
TV Klan raporton se injektimi i vaksinës nuk do të jetë i detyrueshëm, por ata që duan ta bëjnë do ta përfitojnë kundrejt asnjë pagesë.
Specialistja e shëndetit publik gjatë inaugurimit të Qendrës Shëndetësore në Kombinat bëri me dije se ende nuk ka një vaksinë gati por shteti shqiptar është në bisedime me disa vende.
“Akoma bota nuk ka një vaksinë të sigurt. Janë 7 vaksina të cilat kanë kaluar fazën e dytë. Janë vaksina tepër premtuese. Është një iniciativë botërore, që është iniciativa e Kovaksit, që është një aleancë mes shumë vendeve dhe natyrisht nën udhëheqjen e Organizatës Botërore të Shëndetësisë. Natyrisht ka iniciativa të Bashkimit Evropian, të cilat do të vlerësohen natyrisht dhe ne do të sjellim atë vaksinë që është efikase”.
Për të forcuar imunitetin e popullatës, ministrja Manastirliu tha se do të nisë injektimi i vaksinës së gripit sezonal për grupet e riskut që është gjithashtu falas.
“Qeveria shqiptare vijon të jetë e angazhuar për mbulimin falas të kalendarit të vaksinave duke përfshirë edhe këtë vit sikurse ka bërë edhe vitet e shkuara, shumëfishimin e vaksinave të gripit”.
Vaksina e gripit prej disa vitesh është ofruar falas në poliklinika për të moshuarit dhe personat në nevojë.
La.Mi/Fjala.al
