Ashtu si çdo fundjavë edhe gjatë natës mes të premtes dhe të shtunës, Policia Rrugore e Tiranës, ka ushtruar kontrolle me radar në segmentet dhe akset e cilësuara njolla të zeza, për sa i përket ngjarjeve rrugore të ndodhura më parë.
Gjatë kontrolleve në aksin Sauk-Teg, janë evidentuar shpejtësi gati ekstreme, që varionin nga 160 km/h deri në 190 km/h edhe pse rruga kishte fluks të plotë.
“Të pa pranueshme arsyet e drejtuesve të automjeteve të kapur nga radari, për arsyet e fluturimit në rrugë, por cilado të ishte arsyeja, të tilla shpejtësi vrasin jetën në rrugë. Për 240 minuta kontroll në të dyja kahet e lëvizjes, janë evidentuar dhe ndëshkuar 12 drejtues mjetesh të cilët qarkullonin me shpejtësi dy fish e më shumë se sa norma e lejuar.
Njëkohësisht janë evidentuar dhe dërguar në OASH, 6 drejtues mjetesh për gara shpejtësisë dhe manovra të rrezikshme në rrugë, te evidentuar në unazën e madhe nga patrullat në lëvizje të Policisë Rrugore”, thotë policia.
Më tej bëhet apel për të mos nxitohet, pasi në rastin më të mirë do përfundojnë te polici dhe radari dhe në destinacion do shkohet pa patentë, dhe në rastin më të keq do të ndodh aksident.
“Drejtues mjetesh, qarkulloni brenda limiteve të lejuara që destinacioni juaj të jetë i sigurt, mos fluturoni se shpejtësia vret jetë. Zbato rregullat, udhëto i sigurt”, thotë në mbyllje policia./Bl.Ba/Fjala.al
https://www.facebook.com/policiashtetitshqiptar/posts/2837506599869026
