Ishte fiksuar keq pas saj dhe donte patjetër që të krijonin një lidhje bashkë dhe për këtë arsye e ndiqte kudo, duke i krijuar frikë dhe shqetësim një vajze e cila për pasojë ka tentuar vetëvrasjen.
Por gjatë ditës së sotme, policia vuri në pranga K.V., 33 vjeç, banues në Tiranë.
I riu akuzohet se ka përpjekur në mënyrë të vazhdueshme në vende të ndryshme dhe nëpërmjet telefonit një vajzë 28-vjeçare.
Ajo bëri denoncim në polici, duke thënë se ndihej e frikësuar nga ndjekja dhe mesazhet e 33-vjeçarit ku mes të tjerash i thoshte se “nëse nuk do jesh e imja, nuk do të ketë askush”.
Kështu pas një punë të mirëorganizuar, bazuar dhe në informacionet e marra në rrugë operative u bë e mundur kapja dhe ndalimi i shtetasit K.V., 33 vjeç, banues në Tiranë.
Materialet i kaluan Prokurorisë së Rrethit Gjyqësor Tiranë, për veprime të mëtejshme, për veprat penale “Përndjekja”, “Përdorimi me keqdashje i thirrjeve telefonike” dhe “Shkaktimi i vetëvrasjes”./Bl.Ba/Fjala.al
