Mbrëmjen e sotme, rreth orës 19:30, një ngjarje e rëndë ka ndodhur në fshatin Mengaj të Kavajës.
Një 20-vjeçare, e cila mendohet se ka qenë në kushte të rënduara psikologjike, ka qëlluar veten me armë zjarri.
Fatmirësisht vetëm është plagosur dhe është dërguar në spitalin e Durrësit për t’u trajtuar. Ende nuk bëhet me dije identiteti i saj apo arsyeja që e ka çuar vajzën të ndërmarrë këtë akt.
Akoma më mister mbetet fakti se ku e gjeti vajza armën e zjarrit, të cilën e përdori për të lënduar veten.
Njoftimi i policisë
Kavajë/Informacion paraprak
Rreth orës 19:30, është njoftuar salla operative se në fshatin Mengaj, Kavajë, shtetasja B.K., 20 vjeçe, në gjendje depresive dyshohet se është vetëplagosur me armë zjarri, e cila u dërgua menjëherë në spitalin e Durrësit dhe ndodhet nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e plotë të rrethanave të ngjarjes.
Ka.Li/fjala.al
