Klubi i Tiranës ka lajmëruar policinë se një tifogrup kishte menduar ngritjen e një droni me simbolet shqiptare. Nëse ky plan do të vihej në zbatim, atëherë bardheblutë mund të marrin një dënim të rëndë nga UEFA çka i rrezikon garën europiane.
Së fundmi një pajisje e re ka mbërritur në stadiumin “Air Albania”. Funksioni i saj është për të bllokuar valët duke e bërë të pamundur ngritjen e dronëve të telekomanduar.
Pajisja do të vendoset në punë menjëherë me fillimin e ndeshjes, duke zgjidhur problemin e Tiranës pasi asnjë dron nuk mund të fluturojë në “Air Albania”.
Çdo gjë duket se është gati dhe derbi ballkanik pritet të fillojë në orën 20:00 të mbrëmjes së sotme. Ka.Li/fjala.al
