Në Suedi 3700 persona kanë dalë gabimisht poitivë me koronavirus për shkak të testeve të pasakta nga Kina.
Autoritetet suedeze thanë se kitet PCR ishin nga një kompani kineze e quajtur BGI. Ato janë përdorur në vendin skandinav në periudhën që nga marsi deri në gusht.
Gabimin e zbuluan dy laboratorë gjatë kontrolleve rutinë të cilësisë. Agjensia suedeze e shëndetit publik thotë se testet PCR të të njëjtës kompani kineze janë shpërndarë në mbarë botën.
Ajo thotë se personat e prekur nga kjo situatë do të fillojnë të kontaktohen këtë javë, ndërsa për këtë episode janë lajmëruar tashmë edhe autoritetet përkatëse në Europë dhe pranë Organiztës Botërore të Shëndetësisë. Ka.Li/fjala.al
