Modelja me famë botërore, Gigi Hadid, ka qenë në fokus të mediave për shkak të të shtatzanisë së saj dhe faktit se nuk ka treguar asnjë foto të barkut të rrumbullakosur. Për këtë gjë ajo është akuzuar dhe nga fansat të cilët mendojnë se modelja nuk është e entuziazmuar mjaftueshëm për pritjen e ëmbël.
Mirëpo Gigi ia ka mbyllur gojën të gjithëve duke postuar ditën e sotme fotot nga fotoshooti me barkun e rrumbullakosur.
Gigi në një foto shihet e veshur me të bardha ndërsa barku i saj është i lënë jashtë, teksa krahas fotos shkruan ‘po rritet një ëngjëll’.
Ndërsa në fotot e tjera bukuroshja shihet e veshur me një tyl të bardhë transparent që i tregojnë më së miri format trupore por edhe barkun e rrumbullakosur.
Gigi Hadid 25 vjeç dhe Zayn Malik 27 vjeç kanë konfirmuar disa muaj më parë se janë në pritje të fëmijës së tyre të parë. Ka.Li/fjala.al
