Një ngjarje e rëndë është regjistruar pasditen e sotme në Durrës, ku një 44-vjeçar i cili ishte futur në det bashkë me vajzën 9-vjeçare për tu larë është mbytur.
Ndërkohë e mitura ka dalë e gjallë në breg të detit dhe është transportuar me urgjencë në spitalin e Durrësit, por nuk ka mundur të mbijetoj duke ndërruar jetë edhe ajo.
“Më datë 26.08.2020, rreth orës 18:00, në Rrushkull, Durrës, shtetasi Dh.B., 44 vjeç dhe shtetësja e mitur M.B., 9 vjeçe, (baba dhe vajzë), dyshohet se janë futur duke u larë në det, e për pasojë ka ndërruar jetë shtetasi Dh.B., ndërsa shtetësja M.B., ndodhet në spital nën kujdesin e mjekëve”,– njofton policia.
Grupi hetimor dhe shërbimet e policisë, ndodhen në vendngjarje dhe po punojnë për zbardhjen e rrethanave të ngjarjes./Bl.Ba/Fjala.al
