Gërmimet në një vend ndërtimi për një stacion treni në Japoni kanë zbuluar një vend varrosjeje që përmbante eshtrat e 350 personave.
Zona – e quajtur “Varri Umeda” – ndodhet në Osaka dhe mendohet të jetë një nga shtatë vendet varre historike që ndodhen në të gjithë qytetin.
Vendvarrimi daton në epokën e vonë të Edo dhe në fillim të Meiji – rreth vitit 1868.
Bordi i Arsimit dhe Shoqata e Trashëgimisë Kulturore të Qytetit Osaka kanë bërë studime mbi rrënojat e varrosura në zonë për gati tre dekada.
“Në pjesën veriore të varrezave të poshtme, varrosjet e thjeshta që janë përkulur dhe ruajtur në vrima të cekëta ose të mbuluara me dhe, grumbullohen me trashësi prej rreth një metri ” treguan ata.
‘Sidomos në shtresën më të ulët, u gjet një numër i vrimave vertikale në të cilat u varrosën shumë trupa së bashku.’
Ekspertët besojnë se varret e përbashkëta me siguri përfaqësojnë ata individë që vdiqën së bashku si rezultat i sëmundjes.
Përveç mbetjeve njerëzore – të cilat gjithsej rreth 1.500 eshtra – në vendin e varrosjes, arkeologët kanë zbuluar edhe mbetjet e një numri të kafshëve.
Ata identifikuan një kockë nga një mace, e cila u gjet e përfshirë brenda një skeleti njerëzor. Këtu përfshihen dhe katër derra të gjetura në pjesën veriore të varrezave, dhe dy kuaj në jug të sitit.
Gërmimet e sitit të Varrit Umeda kanë zbuluar gjithashtu mbetjet e copave të ndryshme të qeramikës, një pllake, monedha, rruaza, një krehër, një filxhan për hir dhe kukulla balte.
“Mbetjet e gërmuara, përfshirë kockat njerëzore, aktualisht janë në proces të renditjes dhe analizimit,” shtuan autoritetet e qytetit Osaka.
Pritet që mbetjet të zhvendosen dhe rivarrosen, për të lejuar ndërtimin të vazhdojë pasi të ketë përfunduar studimi arkeologjik./St.Su/Fjala.al
