Gjykata kundër Korrupsionit dhe Krimit të Ogranizuar ka lënë në burg Orges Bilbilin, i akuzuar për vrasjen e Zamir Latifit dhe Jurgen Hoxhës .
Orges Bilbili së bashku me Laert Haxhiun janë të dyshuarit kryesor të vrasjes së dy të rinjve ne 2017 në qytetin e Lushnjes.
I shpallur në kërkim për një sërë veprash penale si dhe për plagosjen e Xhulio Shkurtit dhe Sajmo Xhelilit,në 10 prill të këtij viti u arrestua si një person i dyshimtë , në zonën e ‘Xhamllikut’ dhe më pas u identifikua si i shumëkerkuari Orges Bilbili.
Ai gjithashtu është i dënuar dhe me 7 vjet e 4 muaj burg, për veprën penale ”Trafikim i narkotikëve”. Bilbili njihet si bashkëpunëtori i Laert Haxhiut në vrasjet Lushnjë në 2017-n. Bashkë me Haxhiun, Orges Bilbili është i dyshuar edhe për atentatin, ku u plagosën Xhulio Shkurti (nipi i Aldo Bares) dhe Sajmo Xhelili.
Po ashtu ai akuzohet edhe si bashkëpunëtor i pilotit italian Giorgio Riformato, avioni i të cilit, ngeci në bregdetin e Divjakës, teksa po përgatitej për të trafikuar lëndë narkotike nga Shqipëria për në Itali.
/Ra.My.Fjala.al/
