Gjatë qëndrimit në Vjenë si kreu i OSBE-së, kryeministri Edi Rama ka zhvilluar një takim me Stephen Biegun, Zëvendës Sekretar i Shtetit SHBA.
Kryeministri do të drejtojë mbledhjen e përjavshme të Këshillit të OSBE-së me fokus zhvillimet më të fundit në Bjellorusi.
“Më vjen shumë mirë që nisma jonë mori një vëmendje të tillë. Është një përgjegjësi shumë e madhe por në të njëjtën kohë shkon në drejtim të një procesi ku OSBE nuk do të jetë ndërmjetëse, por një përfaqësuese e një procesi ndërmjetësimin”, tha Rama mbrëmjen e sotme.
Situata në këtë vend është përkeqësuar për shkak të zgjedhjeve të 9 gushtit, të konsideruara si të manipuluara nga opozita, ku presidenti Aleksandër Lukashenko fitoi mandatin e gjashtë me 80% të votave, një rezultat që shkaktoi habi./Bl.Ba/Fjala.al
