Ish- zv/komandanti i Forcave Detare, Artur Meçollari i shkarkuar këtë vit nga detyra ka dhënë një opinion lidhur me zgjerimin e kufirit detar të Greqisë në 12 milje.
Sipas tij, Shqipëria më 2012 riktheu ligjin për gjerësinë e detit duke e çuar në 12 milje, që e çoi kufirin detar deri në Korfuz. Por në këtë rast nuk iu mor asgjë Greqisë.
Ndërkohë Greqia me kufirin e ri do të vijë deri në Himarë. Por sipas Meçollarit, në Shqipëri ka shqetësim për këtë, kurse grekët nuk janë shqetësuar se pse ujërat shqiptare shtrihet deri në Korfuz.
Meçollari del në konkluzionin se zgjerimi i detit territorial bëhet brenda vijës delimitiuese në drejtim të detit ndërkombëtar.
Postimi i plotë
Një interpretim për zgjerimin e detit territorial të Greqisë dhe nenin 15 te UNCLOS 1982. Ne trembemi se me zgjerimin e detit territorial të Greqisë në 12 milje detare ujërat greke vijnë deri në Himarë.
Po grekët pse nuk tremben që ne e kemi detin territorial 12 milje detare dhe nuk kemi vajtur në korfuz?
Cili është kuptimi i nenit 15.
1) zgjerimi i detit territorial nuk mund të shtrihet përtej vijës delimituese dhe jo nuk mund të zgjerohen nga shteti bregdetar nëse nuk ka një vijë delimituese. Shprehja “përveç rastit kur ka një marrëveshje midis tyre”, ka kuptimin që deti territorial mund të shtrihet përtej vijës delimituese nëse shteti fqinjë ta lejon një gjë të tillë me marrëveshje. Pra të jep det territorial nga deti i tij me marrëveshje.
Le të marrim rastin konkret. Në vitin 2008, Shqipëria shfuqizoj gjerësinë e detit territorial 12 milje, e cila nënkupton ZERO, nëse nuk e ke të deklaruar. Në vitin 2012 rikthyem me ligj gjerësine e detit territotial 12 milje detare, por nuk i morrëm asgjë Greqisë, pasi zgjerimi i detit territorial bëhet brenda vijës delimituese në drejtim të detit ndërkombëtar. Mirë ne që shqetësohemi se Greqia do na vij në Himarë po e zgjeruan detin 12 milje detare, po grekët pse nuk shqetësohen se ne kemi shkuar në Korfuz pasi e kemi 12 milje detare?
Delimitimi i detit territorial ndërmjet Shteteve me brigje përballë ose ngjitur. Kur brigjet e dy Shteteve gjenden përballë ose ngjitur me njëri-tjetrin, asnjë nga dy Shtetet nuk ka të drejtë, përveçse kur ka një marrëveshje ndërmjet tyre, për ta shtrirë detin territorial përtej vijës mediane çdo pikë e së cilës është e baraslarguar nga pikat më të afërta të vijave bazë nga të cilat matet gjerësia e detit territorial të secilit prej dy Shteteve.
Megjithatë, dispozita e mësipërme nuk zbatohet kur, për shkak të ndonjë titulli historik ose rrethanave të tjera të veçanta, është e nevojshme që delimitimi i detit territorial të dy Shteteve të mos bëhet sipas mënyrave të mësipërme./Bl.Ba/Fjala.al
