Kryeministri Edi Rama vijon replikën në distancë me kryedemokratin Lulzim Basha për çështjen e kufirit detar me Greqinë.
Rama shkruan në ‘Tëitter’ se negociatat kanë dalë prej kohësh, që pas ndryshimit të qeverive në Greqi, dhe nuk ka më asnjë të re nga ai front!
Me ironi, Rama i kthehet Bashës, duke i thënë se “Po ti mos bëj sikur nxehesh, se s’ta kam unë fajin kur bën sikur s’je ti që e firmose atë marrëveshjen e famshme që rrëzoi GJK!”.
“Negociatat Lulëzim janë ndalur prej kohësh,që pas ndryshimit të qeverive në Greqi! S’ka asnjë të re nga ai front, përveç dallgëve të ligësisë e padijes! Po ti mos bëj sikur nxehesh,se s’ta kam unë fajin kur bën sikur s’je ti që e firmose atë marrëveshjen e famshme që rrëzoi GJK!
Çfarë kanë qenë për të thënë janë thënë me kohë e me vakt, marrëveshje akoma s’ka, po ti dëgjo mua, gjej ndonjë temë tjetër për teatrin tënd, se me ata që i besojnë kësaj marrëzisë së detit do dalësh edhe më i lagur se në 2017! Ta kam thënë, këtë popull për budalla s’e bëni dot”, shkruan Rama.
Nga ana e tij kreu i PD, Basha ka replikuar sërish me kryeministrin Rama duke dyshuar sërish për një marrëveshje të fshehtë Shqipëri- Greqi për detin.
Basha i kërkon sërish Ramës të bëjë transparencë e të mos fshihet. Më tej ai thekson se Rama është i mbytur në detin e marrëveshjeve të fshehta në kurriz të shqiptarëve.
“Po ta përsëris Edi Rama, bëj transparencë e mos u fshih pas gërrvërreve bajate. As servilët e fundit që të kanë mbetur nuk qeshin me to. Nuk je thjesht i lagur, je i mbytur në detin e marrëveshjeve të fshehta në kurriz të shqiptarëve”, shkruan Basha./Bl.Ba/Fjala.al
