Policia spanjolle ka vënë në pranga një 38-vjeçar. Nëpëmjet rrjeteve sociale, ai nxiste njerëzit të besonin se pandemia e Covid-19 është mashtrim.
Sipas tij, pas “farsës” së koronavirusit qëndronin mjekët dhe media. Nëpërmjet rrjeteve sociale, ai u kërkonte ndjekësve të sulmonin gazetarët dhe politikanët.
“E gjithë kjo situatë do të zgjidhej me një goditje pas kokës së kryeministrit”, shkruante 38-vjeçari në një nga statuset e tij.
Nxitjet e tij nuk ndaleshin këtu. Po në rrjete sociale, ai shtynte njerëzit të digjnin selinë e sindikatës së mjekëve në Spanjë, pasi ata persona që besonin tek Covid-19 ishin injorantë dhe të këqinj që meritonin të vdisnin.
Spanja është një nga vendet më të prekura nga pandemia e Covid-19.
