Pika kufitare e Morinës është përfshirë nga radhë kilometrike, pasi qytetarët e Kosovës preferojnë bregdetin shqiptar.
Gjatë orëve të para të mëngjesit të sotëm mbi 1000 autovetura kanë hyrë në Shqipëri, ndërkohë radha e automjeteve ka mbërritur deri në Vërmicë. Ndërsa, trafiku është i rënduar deri në afërsi të Urës së Kukësit. Policia kufitare po punon me kapacitet të plotë, me 6 sportele.
Sakaq, javët e fundit ka pasur një fluks në këtë pikë doganore, ku nuk kanë munguar edhe radhët e gjata. Situatë kaotike u krijua në pikën Kufitare të Kakavijës, ku shqiptarët qëndruan 5 ditë në radhë për të kaluar doganën. Shkak i situatës u bë marrja e tamponit nga pala greke. Ka.Li/fjala.al
