Shënohet një tjetër viktimë nga protestat në qytetin amerikan të Portlandit.
Sipas policisë lokale, një person mbeti i vrarë me armë zjarri në kraharor gjatë demostratës në mbështetje të presidentit amerikan.
Viktima u sulmua nga pjesëtarë të lëvizjes antifashiste, të cilët pas ngjarjes janë shprehur se nuk ndienin keqardhje për viktimën. Lëvizja antifashiste ka si kauzë kryesore luftën kundër ekstremit të djathtë dhe autoritarizmit qeveritar.
Incidenti u shënua pasi një karvan me makina me flamujt amerikanë dhe parulla elektorale për presidentin amerikan parakaluan ditën e shtunën në qendrën e Portland.
Kortezhi u provokua nga turma. Këto të fundit nisën të lëshonin objekte ndaj automjeteve, teksa përfunduan edhe në konfrontime.
Pavarësisht thirrjeve të autoriteteve dhe familjarëve të viktimave për ndaljen e dhunës, shumë godina e biznese vijojnë ende të sulmohen nga ekstremistët antifashistë dhe nga aktivistët për të drejtat e afroamerikanëve.
Protestat atje nuk janë ndalur që nga vrasja e afroamerikanit Xhorxh Floid në muajin maj ndërsa janë bërë edhe temë politike në prag të zgjedhjeve presidenciale.
Protestat në Portland vijojnë prej më shumë se 90 ditësh. /Er.Ke.Fjala.al/
