Universiteti i Alabama në Birmingham (UAB) ka konfirmuar 157 raste në mesin e studentëve këtë vit.
Në Universitetin Alabama, në SHBA ka nisur mësimi nëpër shkolla prej gati dy javësh.
Më shumë se 1.000 studentë në Universitetin e Alabama kanë rezultuar pozitivë për Covid-19 që nga momenti kur ka nisur mësimi e deri tani.
Për të ndihmuar në parandalimin e përhapjes së koronavirusit, Presidenti i universitetit Stuart Bell, i kërkoi komunitetit që të mbajnë maska dhe të respektojnë distancën sociale, brenda dhe jashtë kampusit.
“Në këtë kohë kritike, ne duhet të jemi të bashkuar dhe të përkushtuar plotësisht në luftën tonë kundër COVID-19. Unë besoj se do të jemi të suksesshëm këtë semestër, dhe të gjithë duam të qëndrojmë në kampus gjatë gjithë kësaj vjeshte, por ne mund ta bëjmë këtë vetëm me ndihmën tuaj të përditshme.”
Kujtojmë se SHBA vazhdon të ketë një numër të lartë të infektuarish me Covid-19 dhe masat anti-covid vazhdojnë të respektohen me rigorozitet. Ru. Do/ Fjala
