Sot, më 31 gusht në FJALA TV nis sezoni i ri televiziv i emisionit “HARD TALK NGA ROLAND QAFOKU”.
Gjatë një sezoni të suksesshëm ishin të ftuar figurat më të rëndësishme të politikës shqiptare si Presidenti Ilir Meta, ministri i Brendshëm Sandër Lleshaj, ministrja e Shtetit për Marrëdhëniet me Parlamentin Elisa Spiropali, ministri i Turizmit dhe Mjedisit Blendi Klosi, ish-presidenti Bujar Nishani, Kryetari i Grupit Parlamentar të PS-së Taulant Balla, ish-deputeti i PD Oerd Bylykbashi etj.
Gjithashtu gjatë sezonit të parë të këtij emisioni në grupin mediatik “Fjala”, kanë qenë të ftuar figura të rëndësishme akademike si Artan Fuga, Ardian Civici, Përparim Kabo dhe Apollon Baçe.
Këtij emisioni nuk i kanë munguar as analistët, ndër ta: Mustafa Nano Marenglen Kasmi, Auron Tare dhe Mal Berisha.
Qershia mbi tortë e këtij emisioni janë lajmet ekskluzive të cilat janë bërë referencë edhe për mediat e tjera.
Sezoni i ri nis me Kryetarin e Bashkisë së Tiranës, Erion Veliaj.
Përballë gazetarit Roland Qafoku, Veliaj do të jetë në një rrëfim 360 gradë lidhur me analizën e vitit të parë të mandatit të dytë.
Si e ka përballuar bashkia e Tiranës tërmetin dhe pandeminë?
Për përgjigjet e këtyre pyetjeve por edhe të tjera, ndiqni emisionin “HARD TALK NGA ROLAND QAFOKU”, sot më 31 gusht 2020.
Shikim të këndshëm!/Bl.Ba/Fjala.al
