Zbardhet dëshmia e infermieres greke e cila u plagos ditën e sotme nga 59-vjeçari shqiptar i shtruar në spitalin e Atikon në Greqi.
59-vjeçari shqiptar ishte shtruar në spital prej disa ditësh, kurohej vetëm për kirurgjinë në pneumotoraks dhe mësohet se nuk ka patur sëmundje psikike.
Pas sulmit që i bëri infermieres 32-vjeçare ai është hedhur nga kati i katërt duke humbur si pasojë jetën.
Infermierja e dytë e turnit të natës, që u përpoq të ndalojë krimin, duke kapur pas krahëve shqiptarin, e duke hedhur thikën larg për pak sekonda, ka deklaruar se pacienti Petro Çako “kurohej për një javë dhe për pak do të dilte nga spitali.
Ishte një njeri shumë i sjellshëm dhe i komunikueshëm, nuk kishte asnjë problem, asnjëherë. Nuk kishte arsye të sulmonte njeri dhe nuk e dimë përse vrau veten”.
59-vjeçari ka goditur disa herë me thikë në trup infermieren 32-vjeçare greke, ndërsa ka kërcënuar edhe tre pacientët e tjerë që ndodheshin në dhomë, të cilët janë zgjuar të terrorizuar nga ulërimat e gruas. Fatmirësisht, infermierja është jashtë rrezikut për jetën, por ka shumë plagë në të gjithë trupin. /Ra.My.Fjala.al/
