Një 23-vjeçar i identifikuar si R. Peskura ka mbetur i vdekur si pasojë e një aksidenti automobilistik. Mësohet se 23-vjeçari po udhëtonte me motor në aksin Mamurras- Fushë Krujë, në momentin që është përplasur nga një automjet.
Informacion parapraK
Në aksin e vjetër Mamurras -Fushë Krujë, në afërsi të një karburanti në Mamurras, mjeti tip “Nissan” me drejtues shtetasin E.Q.,është përplasur me ciklomotorin me drejtues shtetasin R.P., 23 vjeç, banues në Mamurras, i cili ka ndërruar jetë gjatë transportimit për në spitalin e Traumës, Tiranë.
Drejtuesi i mjetit shtetasi E.Q., është shoqëruar në ambientet e Komisariatit Kurbin për veprime të mëtejshme.
Grupi hetimor në vendgjarje punon për zbardhjen e plotë të shkakut dhe rrethanave të ngjarjes.
