Kreu i Agjencisë së Anti-Dopingut të Rusisë (RUSADA), Juri Ganus, është larguar nga detyra, teksa akuzoi drejtuesit sportivë të vendit se dështuan në luftën kundër përdorimit të gjerë të drogës.
“Vendimi për heqjen e drejtorit të përgjithshëm “u mor unanimisht””, tha Presidenti i Komitetit Olimpik Rus, Stanisllav Pozdnjakov për Agjencinë Franceze të Lajmeve (AFP).
Por Komiteti Olimpik Rus u justifikua se e mori këtë vendim për 56-vjeçarin Ganus, pasi publikoi shkeljet financiare, pas një auditimi në RUSADA. Më 5 gusht, bordi mbikëqyrës i RUSADA-s i rekomandoi Komitetit Olimpik dhe Paralimpike shkarkimin e drejtorit. Pozdnjakovi tha se vendimi për të shkarkuar Ganusin u mor pasi “shqyrtoi me kujdes” argumentet e paraqitura nga bordi mbikëqyrës.
Ganusi ishte kryetar i RUSADA që në 2017-ën dhe duhej të ndihmonte Rusinë të pastrojë imazhin e saj. Por ai kritikoi ashpër veprimet e drejtuesve të sportit në Rusi, kur tha se ndalimi i atletëve të saj për të garuar në të gjithë botën erdhi si pasojë e dështimit të Moskës për të zbatuar reformat reale kundër dopingut. Pasardhësi i tij do të vendoset përmes zgjedhjeve brenda 6 muajve.
La.Mi/Fjala.al
