Mbrëmjen e kësaj të mërkure një tjetër pacient i infektuar me Covid-19 u vetëvra në spitalin Shefqet Nroqi, ndërkohë mjekët kanë kapur në moment të fundit një tjetër që tentoi të vetëvritej.
Pikërisht për këto ngjarje të rënda ka reaguar dhe profesori i gazetarisë Zylyftar Bregu.
Përmes një statusi në rrjetin social “Facebook”, Bregu i kërkon kolegëve gazetarë që të investigojnë se çfarë ndodh te spitalet e Covid!
Çpo ndodh në spitalet më të prekurit nga Covidi?
Para pak minutash një tjetër pacient u hodh nga dhomat e spitali Shefqet Ndroqi (sanatoriumi), aty ku edhe para pak ditësh u hodh një tjetër.
Ndërkohë në kohën mes këtyre dy ngjarjeve, dhjetëra denoncime për trajtim çnjerëzor të të prekurve me Covid, më shumë denoncime për mungese informacioni, e shumë të tjera.
Askush nuk e ka vënë ujin në zjarr të shohë, në këto pavijone.
Madje dhe media e ka zhvendosur kameran nga pavijonet me të infektuar.
Prandaj, duke pare natyrën e denoncimeve, është luks të presësh reflektim nga autoritetet.
Apeli shkon për mediat. “Monitoroni” më shumë pavijonet që janë kthyer në burgje të sigurisë së lartë, janë kthyer në pavijone që administrojnë vdekjen, jo në çerdhe ku luftohet për te jetuar.
