Një nga yjet më të rëndësishëm në Hollywood, Dwayne “The Rock” Johnson, zbuloi këtë të enjte se gruaja e tij, dy vajzat e tij dhe ai vetë kanë rezultuar pozitivë me koronavirus.
“Unë mund t’ju them se kjo ka qenë një nga ngjarjet më të vështira dhe sfiduese,” tha Johnson në një video të postuar në llogarinë e tij në Instagram.
“Do të doja të isha i vetmi pozitiv, por nuk ishte ashtu, ishte e gjithë familja ime, kështu që ishte një goditje e rëndë. Por jam i lumtur t’ju them se po ecim mirë. Jemi mirë me shëndet. Kemi kapërcyer Covid-19 dhe jemi më të fortë dhe më të shëndetshëm ”, siguroi ai.
Johnson nëpërmjet klipit, kujtoi masat themelore të parandalimit kundër koronavirusit të cilat duhet t’i përdorim të gjithë.
“Nuk ka asnjë lidhje me politikën. Vendosni maskën. Është gjëja e duhur për të bërë dhe është përgjegjësi, ”tha ai.
Johnson planifikoi të publikojë këtë vit një film Disney por për shkak të pandemisë së koronavirusit, dalja e këtij viti u vonua.
Përveç kësaj, aktori do të prezantojë pas pak kohësh filmin aksion “Red Notice” në Netflix./Er.Ke/Fjala.al/
View this post on Instagram
