Prokuroria e Tiranës nis hetimet pas rastit të dytë të pacientit që i dha fund jetës pasi u hodh nga ish-Sanatoriumi, i kthyer në spital Covid.
Dy prokurorë janë caktuar për të hetuar kushtet se si po trajtohen të sëmurët, pas dy rasteve të përsëritura të vetëvrasjes duke u hedhur nga lartësia.
Pritet marrja në pyetje e personelit mjekësor dhe familjarëve të viktimave, ndërkohë që janë sekuestruar kartelat e dy pacientëve të ndjerë.
Këto hetime vijnë pasi mbrëmjen e së mërkurës 65-vjeçari Hasan Mira, u hodh nga kati i katërt i spitalit.
Mira, vetëm para dy ditësh kishte rezultuar i infektuar me Covid-19 dhe ishte shtruar në spitalin Covid-2.
Ndërkohë rasti i parë është ai i 29-vjeçarit Xhino Koça nga Durrësi, i cili dha fund tragjikisht jetës mëngjesin e 13 gushtit, duke u hedhur nga kati i tretë i spitalit “Shefqet Ndroqi” ku ndodhej i shtruar prej 4 ditësh pasi ishte prekur nga koronavirusi./Bl.Ba/Fjala.al
