Mjekët, infermierët dhe gjithë personeli mjekësor janë më të rrezikuarit në përballjen me COVID-19 pasi janë në kontakt të drejtëpërdrejtë me prekurit nga virusi.
Bluzat e bardha kanë marrë vlerësimin maksimal dhe mirënjohje për përkushtimin që po tregojnë ndaj pacientëve të prekur me koronavirus dhe “vetësakrifikimin” që po tregojnë.
Por të vështira janë dhe përjetimet e familjarëve të tyre duke ditur se kanë lënë në me të një “lufte të ashpër” njerëzit e tyre të zemrës.
Në rrjetet sociale ka patur një solidaritet të jashtëzakonshëm për të mbështetur personelin mjekësor dhe punën e tyre të palodhshme në këtë periudhë të vështirë për të gjithe ne.
Valbona Duri është motra e njërës prej mjekeve që po punon fort në vijën e parë me koronavirusin.
Në ditën e ditëlindjes së saj e Duri ka vendosur ti bëjë një urim të veçantë të motrës, Xhina Pelushi, e cila është është duke dhënë kontributin e saj të paçmuar në luftën kundër COVID.
“Nëpërmjet këtij statusi urimi për ty,uroj të gjithë personelin e shëndetësisë të klinikës ku ti punon tashmë prej vitesh, por të gjithë mantelbardhëve të Shqipërisë: I paçi BEKIME gjithë përkushtimin tuaj, edhe pse pa vëmendjen e duhur që ju meritoni, pa kushtet e duhura, krahasuar me kolegët tuaj europianë, ju vazhdoni të palodhur punën tuaj ndaj ndaj njerëzve. GËZUAR ZEMRA E MOTRËS” shprehet Duri në një postim në rrjetet sociale.
Postimi i plotë
