Përballja e zhvilluar në Stadiumin “Dinamo” të kryeqytetit bjellorus dhe e sjellë për sportdashësit drejtpërdrejt nga Rrjeti i Radio-Televizionit Shqiptar, ka nisur mjaft mirë për ekipin kuqezi dhe në minutën e 6-të, Trashi ndërthuret bukur me Cikalleshin, që provon me një gjuajtje të rrezikshme, por topi devijohet nga portieri dhe për pak sa nuk shkaktohet autogol, por largon një prej mbrojtësve bjellorusë.
6 minuta më pas, një tjetër mundësi e mirë për kuqezinjtë, kur Hysaj lëviz bukur nga e djathta, gjen Manajn brenda zonë që provon me një gjuajtje të menjëhershme, por topi shkon jashtë kuadratit.
Shqipëria vazhdon të mbizotërojë dhe, në minutën e 19-të, Cikalleshi nuk arrin të shfrytëzojë një goditje këndi, por sulmuesi shtatlartë korrigjon shënjestrën 4 minuta më vonë, kur, pas një ndërthurjeje me Hysajn, futbollisti kavajas rrotullohet bukur dhe godet befasisht me të majtën, duke e gjetur të papërgatitur portierin vendas dhe duke përshëndetur rrjetën.
(Efekte goli)
16 minutat që vijojnë do të karakterizohen nga qarkullimi i dendur i topit në mesfushë dhe vetëm në minutën e 39-të, shtatlarti Staseviç, provon të gjejë të papërgatitur Strakoshën, i cili grushton në vështirësi. Minutat e mbetura nuk do të sjellin gola të tjerë dhe Kombëtarja shkon në dhomat e zhveshjeve në epërsi 1-0.
La.Mi/Fjala
