Një ngjarje e rëndë ka ndodhur së fundmi në qytetin rus të Novosibirsk.
Një video dramatike e publikuar këtë të shtunë, tregon momentin e frikshëm kur një nënë 25-vjeçare u detyrua të hidhte dy fëmijët e saj nga kati i katërt në 10 metra lartësi, për t’i shpëtuar nga zjarri i cili po pushtonte apartamentin.
Dy djemtë, përkatësisht tre e katër vjeç u pritën nga fqinjët të cilër kishin vendosur batanije poshtë apartamentit.
Lyubov Pavlunina u zgjua në mëngjes midis shtëpisë në flakë ndërsa kërkoi menjëherë ndihmë.
Veprimi isaj tërhoqi vëmendjen e qytetarëve të cilët ishin mbledhur poshtë apartamentit. Ajo hodhi një nga një djemtë e saj nga dritarja, 10 metra lartësi.
Më vonë ajo tha: “U zgjova nga tymi i zjarrit dhe kisha tim bir pranë meje. E kapa për dore dhe së bashku morëm edhe djalin tjetër. Kaluam përmes tymit për të shkuar në ballkon. Pastaj nuk mbaj mend më. Nisa të kërkoj ndihmë për fëmijët, pasi ato ishin prioriteti im. Njerëzit që ndodheshin poshtë, u treguan të gatshëm për të më ndihmuar. Ata nisën të më thonin që të hidhja fëmijët. Ishte e tmerrshme t’i hidhja nga kati i katërt por duhet ta bëja. Nuk e di as vetë ku e gjeta kurajon.”
Pasi hodhi fëmijët, nëna zbriti me një litar.
Ministria ruse e emergjencave tha se tre persona të tjerë u shpëtuan nga zjarri.
Autoritetet po punojnë për zbardhjen e motivit të nisjes së zjarit./Er.Ke/Fjala.al/
