Marrëdhëniet mes Greqisë dhe Turqisë duket se po tensionohen dita-ditës. Këta të fundit kanë bërë edhe lëvizjen e radhës duke nisur stërvitjen në Qipron Veriore gjatë ditës së sotme
Kërkimet e Turqisë për rezerva gazi dhe nafte në ujrat e pretenduar nga Greqia kanë krijuar një tendosje të madhe të marrëdhënieve mes dy vendeve anëtare të NATO-s.
Ushtria turke ka nisur stërvitjen e quajtur “Stuhia e Mesdheut” me komandën e Sigurisë Turke Qipriote, zbuloi Zëvendës Presidenti Fuat Oktay në Twitter.
Presidenti turk Rexhep Erdoan të shtunën paralajmëroi Greqinë duke deklaruar se ajo “ose duhet të kuptojë gjuhën diplomatike e politike ose në terren përmes përvojave të hidhura.”
Prioritetet e sigurisë të vendit tonë dhe të Republikës turke të Qipros Veriore janë të domosdoshme bashkë me zgjidhjet diplomatike në Mesdheun Lindor , tha Oktay.
Nuk mungoi as reagimi i ministrit të Mbrojtjes turke. Ai publikoi në twitter stërvitjen ushtarake e cila do të vijojë deri të enjten.
Pa.Va/ Fjala.al
