Kryetarja e Kuvendit të Kosovës, Vjosa Osmani u shpreh se është shumë vonë që LDK të kërkojë mbështetjen e saj në rast të zgjedhjeve të parakohshme.
E ndërkohë që Osmani me partinë e Isa Mustafës i ka shkëputur marrëdhëniet, ajo i ka lënë derën e hapur Albin Kurtit.
“Natyrisht që po, përgjigja konkrete e saj është vendimi i tyre i 20 qershorit për t’më përjashtuar. Aty ka përfunduar gjithçka. Ne jemi në kontakt dhe bisedojmë për tema të ndryshme të bashkëpunimit, e se si do të konkretizohet ky bashkëpunim në të ardhmen do t’iu njoftojnë në momentin që do të konkretizohet”, tha ajo.
Disa muaj më parë Vjosa Osmani është shkarkuar nga detyra e saj si nënkryetare e LDK- së dhe anëtare e Këshillit të Përgjithshëm, pasi, siç u tha nga Kryesia e Partisë nuk kishin qëndrime të njëjta.
Pa.Va/Fjala.al
