Ekipet e kërkim-shpëtimit që po gërmojnë nën rrënojat e Bejrutit, shprehen se nuk kanë gjetur shenja jete të një personi i cili mendohej si i mbijetuar.
Nga shpërthimi i fuqishëm që goditi Bejrutin me 3,000 tonë nitrat amoniumi në datën 4 gusht, u vramë 190 persona, më shumë se 6,000 të tjerë u plagosën ndërsa 300,000 persona u detyruan të lënë shtëpitë.
Nga shpërthimi, u shkatërrua pjesa më e madhe e zonës bregdetare lindore të Bejrutit.
Të enjten, ekipet e shpëtimit nisën kërkimet për një të mbijetuar të mundshëm në zonën Mar Mikhael pranë epiqendrës së shpërthimit pasi kishin dyshime se mund të kishte një person të mbijetuar. Shpresat për gjetjen e tij u shuan në momentin që ekipi kilian pas operacionit tha senuk ndodhej askush nën rrënoja.
“Fatkeqësisht, sot, mund të themi se nuk ka asnjë shenjë jete brenda ndërtesës,” – u tha gazetarëve, kreu i ekipit të shpëtimit Kilian Topos Francisco Lermanda./Er.Ke/Fjala.al/
