Rrëmbehet në Minsk, një nga lideret e opozitës bjellorusë, Maria Kalesnikova.
Këshilli i Opozitës Bjelloruse tha se 38-vjeçarja është rrëmbyer ndërsa policia tha se po kontrollon për vërtetësinë e këtij lajmi.
Ajo u rrëmbye nga persona të veshur me të zeza përpara Muzeut Kombëtar të Artit. Dëshmitarët thonë se atë e mori një furgon me mbishkrimin ‘Komunikacioni’.
Protestat në Minsk kishin simbol pikërisht Kalesnikovën.
Në një material të publikuar në gazetën BILD, ajo shkruante: “Ne do të vazhdojmë derisa Lukashenko ta kuptojë se nuk është më president i vendit tone. Kam jetuar në Shtutgart për 12 vite dhe kam mësuar se ç’do të thotë të kesh liri. E di se si njerëzit flasin lirshëm pa u arrestuar. Këtu në Bjellorusi, shumë njerëz janë të frikësuar. Ne do e tejkalojmë këtë frikë përgjithmonë”, tha ajo./Er.Ke/Fjala.al/
