Blerta Josifi, e mbijetuara nga ngjarja horror në Kombinat vazhdon ende të jetë në një gjendje delikate.
Xhaxhai i Blertës i ftuar në emisionin “Me Zemër të Hapur” është shprehur që është i shqëtësuar për mbesën pasi ajo vijon ende të besojë dhe do e ndjekë atë fe, por që ka thënë nuk do e përsërisë më veprimin.
“Në lidhje me besimin, ajo thotë që unë jam besimtare. Motra ime dhe mami im janë në gjirin e zotit. Nuk reagon siç mund të reagojë një njeri i zakonshëm kur largohet mami ose motra. Është shumë e ngurtë dhe kjo ka lidhje me besimin. Ajo thotë që edhe sot unë do të shkoj tek ungjëllorja, por veprimit që bëmë nuk do ti rikthehemi më”, tregon xhaxhai i Blertës, Dhimitraq Josifi.
Dhimitraq Josifi ka folur dhe vetëvrasjen e vëllait të tij, babai të Blertës.
“Ngjarje e rëndë ishte edhe për ata edhe për ne. Fëmijët nuk e ndjenë shumë. Unë vajta njëherë na thirri Zhaneta, na tha hajde se vëllai nuk është mirë. Vajta diskutova me mjekun dhe vendosëm ta merrnin me forcë sepse nuk pranonte. Ishte shumë i fuqishëm, tre burra nuk e mbajtën dot. Mua më erdhi keq sepse më tha: ti po më vdes, dhe u tërhoqa”, shprehet Dhimitraqi.
Xhaxhi i Blertës kërkon ndihmë nga shteti për të gjetur një vendstrehim për të pasi ajo është e shqetësuar nuk mund të kthehet më në shtëpinë ku ndodhi ngjarja tronditëse.
Blerta ende nuk mund të kujdeset për veten e saj është shprehur ai./Jo.Be/Fjala.al
