Pothuajse të gjitha intervistat që gazetari Roland Qafoku ka zhvilluar me Ilir Beqjan kanë qenë të formës Hard Talk. Emri i emisionit u justifikua edhe këtë herë. Në shumë momente mes gazetarit Roland Qafoku dhe deputetit Ilir Beqja pati replika të forta sidomos kur bëhej fjalë për shifrat. Ndiqni replikat.
-Ndryshimi i të dhënave të borxhit ndodhi kryesisht se në vitet 2014-2015 ne zbardhëm borxhin e fshehur.
-Dhe e qatë me lot borxhin pastaj, e bëtë borxhin aty ku e ccuat sot. Ju keni qenë një nga hartuesit e programit të PS.
-A mund të biem dakord që të më lësh të mbaroj dhe të lutem mos përdor batuta të rëndomta.
-Batutë më e rëndomtë se kjo që ne e gjetëm borxhin e fshehur…
-Atë e thonë shifrat.
-Po çfarë shifrash? Sa është borxhi sot?
-Sot është 72%.
-Sa e gjetët ju?
-E morëm zyrtarisht 64% . Po një sekondë. Po të fshehur sa e morëm?
-Po ku e keni këtë të fshehur?
-E zbardhi FMN në 2014.
-Me borxhin 72%…
-Borxhi nuk është i madh apo i vogël. Borxhi është i lehtë apo i rëndë. Janë dy koncepte krejt të ndryshme.
-Ky është edhe i madh, edhe i rëndë.
-Jo, i madh nuk është fare se nuk ka kriter për madhësi. Dhe më e rëndësishmja nuk është sa është borxhi por aftësia që ke ti për ta shlyer borxhin.
-Pse ikin njerëzit nga Shqipëria se ky është problemi. 300 mijë të ikur nga Shqipëria.
-Në 1 janar 2020 Shqipëria ka 2 milion e 845 mijë banorë.
-Të regjistruar mund të jenë edhe më shumë. CIA FACT BOOK e kishte 3 milion e 100 mijë.
-70 mijë janë larguar këtë vit. Nuk janë pak.
-Domethënë këto institucionet ndërkombëtare ja fusin kot?
-Ato janë perceptime. Unë po flas për numra. /Fjala.al/Ke.Ba
