Miqtë fitojnë me një gol në fund, tani të dy skuadrat kanë nga 3 pikë secila. Më herët të hënën është luajtur takimi tjetër i vlefshëm për grupin e 4-t të Ligës C të Ligës së Kombeve, ku bën pjesë edhe Shqipëria dhe Bjellorusia ka shtangur në fund Kazakistanit, duke e mundur në Almati me shifrat 2-1.
Vendasit erdhën në këtë përballje pas asaj fitoreje të papritur, 2-0, që patën arritur në ndeshjen e parë në grup në Vilnius ndaj Lituanisë vendase, ndërsa bjellorusët, pas humbje me të njëjtat shifra në shtëpi para 3 ditësh përballë Shqipërisë. Por ishin miqtë që e mbizotëruan ndeshjen në fjalë, pjesa e parë e së cilës u mbyll me rrjeta të paprekura.
Në pjesën e dytë, Bordaçev i kalon bjellorusët në epërsi me një goditje të saktë me kokë nga fare afër në minutën e 54-të. Por 9 minuta më vonë, Aimbetov barazon shifrat për vendasit. Atëherë kur po dukej se ndeshja po i drejtohej një barazimi, një kthim i gabuar prapa i topit nga kazakët drejt portierit të tyre i dha mundësi Lisakoviçit të përfitojë dhe të shënojë golin e fitores.
Bjellorusia mund kështë Kazakistanin 2-1 dhe të dyja skuadrat kanë nga 3 pikë pas dy ndeshjeve të para në grup.
La.Mi/Fjala.al
