Policia e Librazhdit ka bërë të mundur arrestimin e një 27-vjeçari i cili ka tentuar të palgosë punonjësin e pyjores me kaçavidë.
Gjatë monitorimit rutinë zonat e mbrojtura pyjore punonjësit kanë konstatuar një furgon të cilin po e ngarkonin me dru zjarri.
Në momentin që punonjësit janë afruar 3 persona të cilët ishin duke ngarkuar furgonin me dru janë arratisur duke mos iu përgjigjur thirrjes së punëtorëve ndërsa njëri prej tyre është përleshur me përgjegjësin e këtij sektori.
27-vjeçari me iniciale A.B., ka tentuar të plagosë me kaçavidë përgjegjësin e pyjores në pjesën e barkut.
Ngjarja ka ndodhur në zonën e quajtur “Qafa e Vaskut” Rrajcë ndërkohë që policia ka shpallur në kërkim 3 persona të tjerë, bashkupunëtorë të 27-vjeçarit.
Bëhet fjalë për shtetasit A.B., 43 vjeç, A.B., 22 vjeç, dhe L.B., 19 vjeç, ku vijon puna për kapjene tyre.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme proceduriale. /Ra.My.Fjala.al
