Maqedonia e Veriut shënon zyrtarisht sot 29 vjetorin e pavarësisë nga ish-federata jugosllave.
Në referendumin e 8 shtatorit të vitit 1991, votuan pro ndarjes nga ish-federata jugosllave mbi 95% e qytetarëve.
Kryeministri, Zoran Zaev në ceremoninë e Ditës së Pavarësisë tha se “8 Shtatori” i vitit të largët 1991 kujton ditën kur të gjithë qytetarët u bashkuan për pavarësinë dhe zgjodhën rrugën drejt BE-së e NATO-s.
“Dita e pavarësisë, 8 Shtatori i vitit 1991, do të kujtohet si një ditë kur ne u bashkuam për të zgjedhur rrugën e pavarur, lumturi dhe prosperitet. Udhërrëfyesit e rëndësishëm strategjikë në atë rrugë, ishin NATO dhe Bashkimi Europian. Sot, Republika e Maqedonisë së Veriut është anëtar i 30 i aleancës së Atlantikut të Veriut, si dhe një vend në rrugën drejt anëtarësimit në Bashkimin Europian”, u shpreh Zoran Zaev.
Zaev dha garancinë se vendi do të vijojë të avancojë në rrugën e integrimit./Er.Ke/Fjala.al/
