Del në qarkullim ‘Sputnik V’ e Rusisë.
Ministria Ruse e Shëndetësisë ka njoftuar se grupi i parë i dozave të vaksinës ruse kundër koronavirusit “Sputnik V” ka marrë aprovimin për përdorim publik dhe tashmë ka hyrë në qarkullimin civil.
Vaksina, “i është nënshtruar testeve të nevojshme të cilësisë” ndërsa “ka hyrë në qarkullimin civil”. Më tej, në njoftim thuhet se do të shpërndahen më shumë doza në rajonet ruse.
Sipas “Russia Today” ky rast shënon një tjetër moment historik në zhvillimin e vaksinës Gam-COVID-Vac, apo e njohur ndryshe si “Sputnik V”.
Pasi përfundoi me sukses provat klinike të dy fazave të para, në 11 gusht, Rusia u bë vendi i parë i cili regjistroi zyrtarisht vaksinën e saj të Covid-19.
Zhvilluesit e vaksinës janë ndeshur me akuza se janë “nxituar” të hedhin “Sputnik V” në treg, pa përfunduar procesin e kalimit nëpër të gjitha provat.
Këto akuza janë mohuar nga studiuesit rusë. Ato janë shprehur se testimi për vaksinën, ishte krijuar “shumë më efikase dhe bazuar në supozime më të mira” sesa rivalët.
Megjithatë, vaksina po studiohet akoma dhe pas regjistrimit.
Sipas kryebashkiakut të Moskës Sergej Sobyanin, testimet pas regjistrimit të “Sputnik V” në Moskë mund të zgjasin nga dy deri në gjashtë muaj./Er.Ke/Fjala.al/
