Kantieri i shëndetësisë në maternitetin e Beratit është një investim i shumëpritur për banorët e kësaj zone, që po ndërtohet nga themelet.
Kështu u shpreh sot Kryeministri Edi Rama, duke sjellë pamje nga ky investim, që do t’i shërbejë 120 mijë banorëve të këtij qarku.
“Mirëmëngjes dhe me kantierin e shëndetësisë në maternitetin e Beratit, investim i shumëpritur për banorët e kësaj zone, që po ndërtohet nga themelet, ju uroj një ditë të mbarë”, tha Rama.
Kryeministri theksoi se “vijon puna pa u ndalur për të rindërtuar infrastrukturën shëndetësore, nga qendrat shëndetësore në spitale, për akses, siguri dhe cilësi për qytetarët, afër vendbanimit për shëndetësinë që duam në Shqipërinë që duam”.
Investimi garanton ndërtimin e një spitali bashkëkohor me aparatura të teknologjisë së lartë./Bl.Ba/Fjala.al
https://www.facebook.com/edirama.al/posts/10158130706061523
