Presidenti i Francës Emmanuel Macron u ka drejtuar një thirrje francezëve gjatë ditës së sotme.
Ai ka apeluar qytetarët të jenë më të kujdesshëm në respektimin e masave ndaj Koronavirusit gjatë momenteve të jetës private, duke u shprehur se rreziqet e kontaminimit mund të jenë tejet të larta.
“Ne nuk duhet të pushojmë në momente të jetës private. Shpesh në festat private, në momentet familjare bëhen kontaminimet”, u shpreh presidenti francez.
Ai tha se masat e reja për të luftuar Covid-19, do të shqyrtohen ditën e premte në Këshillin e Mbrojtjes së Shëndetit.
Kujtojmë, që qeveria franceze prezantoi para pak ditësh një plan rimëkëmbjeje prej 100 miliardë eurosh gjatë dy viteve në mënyrë që të nxisë një ekonomi të goditur rëndë nga Koronavirusi.
Këtë vit, ekonomia franceze pritet të tkurret me 11% si pasojë e pandemisë dhe kufizimeve që u vendosën në pranverë./Er.Ke/Fjala.al/
