Legjenda gjermane Franz Beckenbauer i ka rralluar daljet publike sidomos pas humbjes së djalit në vitin 2015.
Pas një kohe të gjatë ai ka folur për prestigjozen gjermane “Bild” dy ditë para ditëlindjes së tij të 75.
Beckenbauer tha se ka ndryshuar mënyrë jetese:
“Kur mbusha 50 vjeç nuk pata ndonjë ndjesi të veçantë, as kur mbusha 70. Por, tani mbush 75 dhe për herë të parë kam nisur të mendoj për vdekjen. Shpresoj që Zoti të më japë ende dhe shumë vite të tjera, por nuk i dihet. Njeriu kupton në këtë moshë se koha është e kufizuar”.
Ish-futbollisti i Bayern Munchen dhe kombëtares gjermane, skuadra me të cilat ka fituar gjithçka, thekson se nuk ka frikë:
“E di që do të vdes një ditë, por nuk kam ankth për diçka që nuk e kam në dorë që ta ndryshoj. Falenderoj Zotin për jetën që më bëri të jetoj”.
Pa.Va/ Fjala.al
