Një nga diskutimet e ditëve të fundit është se me kë forcë politike do bashkohet Jozefina Topalli, një nga figurat me të rëndësishme të kësaj partie në afro 30 vjet. Por aktualisht Topalli nuk është deputete për shkak e nuk ishte në listën për kandidate në zgjedhjet e vitit 2017. Në emisionin HARD TALK NGA ROLAND QAFOKU, Alibeaj iu përgjigj pyetjes me një pyetje: Ku ishte Topalli në këto 8 vjet që ne po bëjmë opozitë?
-Ajo që quhet hapje e PD. Ku është kjo hapje?
-Varet çfarë kupton me hapje. Unë mund tu them që rregulli apo koncepti i hapjes është që kushdo i cili përgjatë këtyre tetë viteve i është bashkuar me vullnet të plotë kauzës opozitare, jo PD, pra të qenit kundër regjimit, kundër Ramës, kundër kësaj qeverisjeje, kundër të gjithë gjëmave që i ka shkaktuar, unë besoj që ata të gjithë nëse kanë dëshirë e kanë një derë të shpalosur në PD.
-Po si mund të mos futet Jozefina Topalli? Cili është mendimi juaj?
-Kushdo që në këto vite ka qenë në kauzën opozitare, si gazetar që bëni studime të thelluara ju mund të shikoni të gjitha deklaratat përkatëse dhe të shihni aktivitetin politik në këto vite. Në politikë matesh jo kush ke qenë, por çfarë aktesh politike bën. Dhe tek e fundit dhe nga dëshira që ke, do të bashkohesh apo jo me partinë politike që ke. Nuk ka më mirë se të pyesësh bazën.
-Baza për Jozefina Topallin e ka dhënë fjalën e saj.
-Nuk do Jozefina. Është kaq e thjeshtë, këtu mbyllet historia./Fjala.al/Ke.Ba
