Presidenti i vendit Ilir Meta ka përkujtuar sot nëpërmjet një postimi në rrjetet sociale sulmin terrorist të 11 shtatorit 2001 në SHBA.
Meta shkruan se Shqipëria është në mbështetje SHBA dhe NATO-s në luftën kundër terrorizmit ndërkombëtar dhe çdo akti që vë në rrezik stabilitetin dhe paqen në botë.
“Shqipëria dhe SHBA janë të bashkuara në vlerat e tyre të përbashkëta të lirisë” shkruan Presidenti.
Postimi i plotë i Metës
Në krah të popullit amerikan, përkujtojmë sot viktimat e pafajshme të sulmeve terroriste të 11 shtatorit 2001 dhe solidarizohemi me familjet e tyre!
Shqipëria mbetet e vendosur në angazhimet e saj përkrah SHBA dhe NATO-s në luftën kundër terrorizmit ndërkombëtar dhe çdo akti që vë në rrezik stabilitetin dhe paqen në botë dhe rajonin tonë.
Shqipëria dhe SHBA janë të bashkuara në vlerat e tyre të përbashkëta të lirisë dhe demokracisë, dhe në përpjekjen për t’i mbrojtur këto vlera nga kërcënimet e përbashkëta si terrorizmi, ekstremizmi i dhunshëm, fondamentalizmi fetar dhe autoritarizmi./Ra.My.Fjala.al/
