Ndërsa Lionel Messi ka thënë se do të qëndrojë tek Barcelona edhe këtë sezon, Luis Suarez pritet të largohet. Krahu i djathtë i Messit tek Barça thuhet se do të bashkohet me Cristiano Ronaldon në Juventus. Për më tepër, drejtuesit e klubit katalanas duket se kanë marrë tashmë iniciativën për të kompensuar largimin e tij.
Disa burime njoftojnë për një transferim të menjëhershëm të 33-vjeçarit në Juventus, madje thuhet se është arritur edhe marrëveshja me kampionët e Italisë dhe shumë shpejt pritet zyrtarizimi.
Megjithatë e ardhmja e sulmuesit të Barcelonës tani ka marrë një drejtim tjetër. Lojtari duket se ka nisur të shikojë edhe për skuadrat e tjera që interesohen për të.
Atletico Madrid e ka ndjekur me kujdes Suarezin dhe trajneri Simeone dëshiron ta ketë në skuadrën e tij për sezonin e ri.
Thuhet se madrilenët i kanë bërë lojtarit një ofertë më të mirë se Juventusi, por kjo nuk do t’i jepte domosdoshmërisht ndonjë përfitim Barcelonës pasi ka të ngjarë që kontrata e tij të përfundojë dhe ai do të largohet me një transferim falas. Një tjetër avantazh i madrilenëve është se Suarezit nuk do t’i duhet të ndryshojë shtet.
Uruguajanit gjithashtu do t’i jepej më shumë përgjegjësi, pasi tek Juventus, vëmendjen kryesore e merr Cristiano Ronaldo. Një tjetër arsye e mundshme që ai të bashkohet me madrilenët është se ata nguten më pak për të kompletuar skuadrën e tyre. Nga ana tjetër Andrea Pirlo dëshiron që skuadra e tij të kompletohet sa më shpejt të jetë e mundur dhe nuk i pëlqen që Suarez ende po zgjidh mënyrën se si do të dalë nga kontrata e tij aktuale me Barcelonën.
Aktualisht, Atletico ka dy sulmues kryesorë: Diego Costa dhe Alvaro Morata. Flitet se Morata mund të largohet, ndoshta edhe për të kaluar tek Juventus. Në fakt, në Spanjë u raportua se Morata tashmë i kishte komunikuar skuadrës së tij aktuale se ai donte që kontrata e tij të anulohej në mënyrë që të shkonte te Juventusi, ish-klubi i tij. Kjo do të vuloste kalimin e Suarezit tek Atletico, nëse do të ndodhë.
Fj.Ka/Fjala.al
