Covid-19 është treguar i ‘pamëshirshëm’ në një familje në Gramsh, ku i ka marrë jetën vjehrrës dhe më pas nuses.
Mësohet se ngjarja ka ndodhur në harkun kohor të 48 orëve të fundit.
E moshura 78-vjeçare ka ndërruar jetë për shkak të komplikacioneve që i ka shkaktuar Covid-19, ndërsa pak orë më vonë, virusi i rrezikshëm i ka marrë jetën edhe nuses së djalit të saj, e cila ishte vetëm 55-vjeçe.
Ndërsa mësohet se në gjendje të rëndë, me simptoma të Covid-19 është edhe bashkëshorti i 55-vjeçares, pra djali i të moshuarës.
Fillimisht janë konfirmuar pozitivë me koronavirus çifti i bashkëshortëve, që kanë infektuar dhe të moshuarën. Dy zonjat e shtëpisë për fat të keq, kanë ndërruar jetë, pak orë larg njëra tjetrës.
Pa.Va/Fjala.al
