Ditën e sotme një fenomen i rrallë ka shokuar gjithë Turqinë. Sipas lajmeve vendase, një erë e fuqishme ka pushtuar lagjen Polatli të kryeqytetit turk Ankara.
Pamjet apokaliptike, banorët i kanë cilësuar si të ngjashme me atë që imagjinohet si fundi i botës. Mediat kanë informuar se furtuna e rërës pushtoi të gjithë zonën duke shkaktuar edhe dëme të vogla materiale tek banesat dhe bizneset.
Sakaq, Instituti Meteorologjik i Ankarasë njoftoi se gjithçka ndodhi për shkak të një furtune të papritur ere duke paralajmëruar se mund të ndiqet nga shira të fuqishëm. Deri më tani fatmirësisht nuk është raportuar për viktima apo të lënduar.
