Për të gjithë ata që janë adhurues të çokollatës, sot ka një lajm të mirë; 13 shtatori është Dita Ndërkombëtare e çokollatës, që mund të themi se ka joshur ndër shekuj njerëzimin.
Dimë që emërtimi “çokollatë” vjen nga pija Xocóatl. Kjo pije prodhohej nga astekët dhe nuk ishte as më pak e as më shumë se një përzierje e ujit me kakao dhe vanilje.
Studiues të shumtë kanë arritur në përfundimin se bima e kakaos, ka qenë e pranishme mbi 6000 vite më parë në lumenjtë Orinoko dhe Amazona.
Ajo u bë e njohur për qytetërimin evropian në vitin 1502 kur Kolombi, gjatë udhëtimeve të tij, mbërriti në Honduras dhe provoi pijen, baza e së cilës ishte kakaoja. Më vonë, në shek. XVII ajo u kthye në luksin e aristokracisë evropiane.
Pavarësisht se ka kaluar shumë kohë, çokollata vijon të mbetet një nga produktet më të pëlqyera dhe më të konsumuara./Er.Ke/Fjala.al/
