“Zemra e Sarajevës” i takon Visar Morinës. Regjisori shqiptar nga Kosova që jeton në Gjermani, është rikthyer pas një pauze 5-vjeccare me filmin “Exile” për të triunfuar në një nga festivalet më presigjoze europiane të filmit.
“Exile” ndjek ankthin dhe paranojën e një inxhinieri farmaceutik me orgjinë nga Kosova, që ndihet i paragjykuar dhe i diskriminuar nga kolegët e punës për shkak të origjinës së tij.
“Filmi ka në qendër një burrë 45-vjeçar që ka një pozitë të mirë punë, në një firmë që prodhon ilaçe.
Një moment çast i nxitur nga disa veprime, ai pret për një konferencë ku nuk vjen askush, nuk e informojnë për ndryshimin e sallës, e ndërkohë kur kthehet në shtëpi gjen një mi të ngordhur, ai fillon të krijojë një ndjesi që kolegët e tij të punës nuk e pranojnë mes tyre dhe duan ta largojnë.
Ai nuk gjen arsye tjetër për këto ngacmime përveç faktit që është me orgjinë kosovare”- tregon regjisori Morina.
Gjeste fillimisht të vogla kthehen gradualisht në një dyshim gjithëpërfshirës që e konsumon dita-ditës duke u transformuar në një ankth të përhershëm që reflektohet në të gjitha marrëdhëniet e tij. Ru.Do/ Fjala.al
