Afrimi i futbollistëve shqiptarë duket se është kthyer në modë në Serie A.
Kombëtarja kuqezi duket se ka prodhuar elementë mjaft të mirë dhe ajo që bën më shumë përshtypje është se shumë prej tyre po shkëlqejnë në Itali. Mjafton të përmendësh emra si Gjimshiti,Berisha, Dermaku, Kumbulla apo edhe vetë kapiteni Hysaj për të kuptuar sesa mirë ata po ingranohen në klubet italiane.
Së fundmi një tjetër lojtar i Kombëtares është afruar në Serie A.
Ardian Ismajli është zyrtarizuar sot si lojtari më i ri i Spezias. Qendërmbrojtësi 23-vjeçar u prezantua sot në klubin e sapongjitur në elitën italiane të futbollit.
Ish-futbollisti i Hajduk Splitit firmosi për 3 vite duke hedhur një tjetër hap të rëndësishëm në karrierë e tani do të ketë mundësi të luajë kundër klubeve historike si Inter, Milan, Juventus apo edhe Napoli e Roma.
Pa.Va/Fjala.al
